მოსკოვში სომხეთისა და რუსეთის საგარეო უწყებებს შორის კონსულტაციები გაიმართა

მოსკოვში სომხეთისა და რუსეთის საგარეო საქმეთა სამინისტროებს შორის გაიმართა კონსულტაციები ორი ქვეყნის საგარეო პოლიტიკის არსებული დღის წესრიგის შესახებ აფრიკის მიმართულებით.

როგორც „არმენპრესი“ სომხეთის საგარეო საქმეთა სამინისტროს მიერ გავრცელებულ განცხადებაზე დაყრდნობით იტყობინება, შეხვედრას სომხეთის საგარეო უწყების ახლო აღმოსავლეთისა და აფრიკის სამმართველოს უფროსის მოვალეობის შემსრულებელი ლევონ პეტროსიანი და რუსეთის საგარეო უწყების აფრიკასთან პარტნიორობის სამმართველოს უფროსი ტატიანა დოვგალენკო უძღვებოდნენ.

თანამოსაუბრეებმა განიხილეს აფრიკის სახელმწიფოებთან, აფრიკის კავშირსა და სხვა რეგიონულ სტრუქტურებთან ურთიერთქმედების განვითარების პერსპექტივები, აფრიკის ქვეყნებთან სავაჭრო-ეკონომიკური ურთიერთობების გაფართოება და ჰუმანიტარული თანამშრომლობის გაღრმავება, ასევე აფრიკაში არსებული ვითარება და უსაფრთხოების საკითხები.