ჰეგსეთმა განაცხადა, რომ აშშ ირანის წინააღმდეგ მოქმედებებისთვის ახალ ძალებს გზავნის

აშშ-ის თავდაცვის მდივანმა, პიტ ჰეგსეთმა განაცხადა, რომ ირანის წინააღმდეგ გამოყენებული ცეცხლის ძალა მალე მნიშვნელოვნად გაფართოვდება. „არმენპრესის“ ცნობით, ამის შესახებ მან პრესკონფერენციაზე ისაუბრა, რომელიც აშშ-ის შეიარაღებული ძალების ცენტრალური სარდლობის X-ის გვერდზე გადაიცა.

მან განაცხადა, რომ აშშ-ს საბრძოლო მასალის დეფიციტი არ აქვს და შეუძლია ეს სამხედრო კამპანია გააგრძელოს „იმდენ ხანს, რამდენიც ამის საჭიროება იქნება“. ჰეგსეთის თქმით, აშშ რეგიონში ახალ ძალებს გზავნის და ირანის წინააღმდეგ დარტყმებს გაამრავლებს. მისივე თქმით, ისრაელს ასევე დიდი შესაძლებლობები გააჩნია.

ჰეგსეთმა ასევე განაცხადა, რომ სამხედრო მოქმედებების განრიგი „მხოლოდ და მხოლოდ ჩვენი კონტროლის ქვეშაა“ და კამპანია გაგრძელდება მანამ, სანამ აშშ თავის წინაშე დასახულ მიზნებს არ მიაღწევს.