1 წუთი კითხვის
ისრაელმა დარტყმები მიაყენა ირანის ბალისტიკური რაკეტების მიწისქვეშა საცავსა და შორი მოქმედების რაკეტების გამშვებ დანადგარებს. როგორც „არმენპრესი“ ისრაელის მასმედიაზე დაყრდნობით იტყობინება, ამის შესახებ ინფორმაცია ისრაელის თავდაცვის ძალებმა (IDF) გაავრცელეს.
„ისრაელის თავდაცვის ძალებმა დაასრულეს დარტყმების სერია (ირანის) ობიექტებზე... განადგურებულ სამიზნეებს შორის არის ინფრასტრუქტურული მიწისქვეშა ობიექტი, რომელსაც ირანული რეჟიმი ბალისტიკური რაკეტების შესანახად იყენებდა, ასევე საავიაციო რაკეტების შესანახი ადგილები“, - ნათქვამია ისრაელის თავდაცვის ძალების Telegram არხზე გამოქვეყნებულ განცხადებაში.
ასევე აღინიშნა, რომ დარტყმები განხორციელდა შორი მოქმედების ბალისტიკური რაკეტების რამდენიმე გამშვებ დანადგარზე.