1 წუთი კითხვის
თბილისში ხელი მოეწერა სომხეთსა და საქართველოს შორის ეკონომიკური თანამშრომლობის სამთავრობათაშორისო კომისიის მე-15 სხდომის ოქმს.
„არმენპრესის“ ინფორმაციით, ოქმს ხელი მოაწერეს სომხეთის რესპუბლიკის პრემიერ-მინისტრმა ნიკოლ ფაშინიანმა და საქართველოს პრემიერ-მინისტრმა ირაკლი კობახიძემ.
მანამდე გავრცელდა ინფორმაცია, რომ სომხეთის პრემიერ-მინისტრი ნიკოლ ფაშინიანი 3-4 მარტს სამუშაო ვიზიტით საქართველოში იმყოფება. 4 მარტს გაიმართა სომხეთის რესპუბლიკის პრემიერ-მინისტრ ნიკოლ ფაშინიანისა და საქართველოს პრემიერ-მინისტრ ირაკლი კობახიძის პირისპირ შეხვედრა.