აშშ-ის პრეზიდენტმა ირანთან საუბრის განზრახვის შესახებ განაცხადა

აშშ-ის პრეზიდენტმა დონალდ ტრამპმა განაცხადა, რომ ირანთან საუბარს გეგმავს․ როგორც „არმენპრესი“ Reuters-ზე დაყრდნობით იუწყება, ჟურნალისტებთან საუბრისას ტრამპს არ დაუკონკრეტებია შესაძლო დიალოგის ხასიათი ან დროის ჩარჩო, ასევე არ უთქვამს, ვინ უხელმძღვანელებს ვაშინგტონიდან მოლაპარაკებებს․

თეირანთან შესაძლო განხილვების შესახებ შეკითხვაზე პასუხად ტრამპმა აღნიშნა։ „მე ამას ვგეგმავ, დიახ“.

„ახლა ჩვენ გვაქვს ძალიან დიდი, ძალიან ძლიერი ხომალდები, რომლებიც ირანისკენ მიემართებიან, და შესანიშნავი იქნებოდა, თუ მათი გამოყენება არ დაგვჭირდებოდა“, - განაცხადა აშშ-ის პრეზიდენტმა ამ საკითხთან დაკავშირებით․

Reuters-ის ცნობით, აშშ-ის ოფიციალური პირები აღნიშნავენ, რომ ტრამპი ირანის წინააღმდეგ მოქმედებების სხვადასხვა ვარიანტს განიხილავს, თუმცა ჯერ არ გადაუწყვეტია, მიიტანოს თუ არა დარტყმა ირანზე․