სომხეთიდან გერმანიაში ექსპორტის მოცულობები გაიზრდება

გერმანიაში სომხეთის რესპუბლიკის ელჩი ვიქტორ ენგიბარიანი შეხვდა გერმანიის საბითუმო ვაჭრობის, საგარეო ვაჭრობისა და მომსახურებების ფედერალური ასოციაციის აღმასრულებელ დირექტორს ანტონინ ფინკელნბურგს․

„არმენპრესის“ ინფორმაციით, ამის შესახებ გერმანიაში სომხეთის რესპუბლიკის საელჩო იუწყება და შეხვედრის დეტალებს ასაჯაროებს.

აღნიშნულია, რომ შეხვედრაზე განიხილეს სომხეთსა და გერმანიას შორის სავაჭრო-ეკონომიკურ სფეროში ეფექტიანი თანამშრომლობის გაფართოების გზები.

სომხეთის რესპუბლიკის ელჩმა კმაყოფილება გამოხატა იმასთან დაკავშირებით, რომ სომხეთი Import Promotion Desk-ის პარტნიორ ქვეყნად იქცა, და განიხილეს ამ მიმართულებით უახლოეს პერიოდში განსახორციელებელი ნაბიჯები. საელჩოს განცხადებაში ნათქვამია, რომ Import Promotion Desk-ის პროგრამის ფარგლებში სომხეთი უახლოეს წლებში გააფართოებს ექსპორტის მოცულობებს გერმანიის მიმართულებით, განსაკუთრებით სოფლის მეურნეობისა და ტექსტილის სფეროებში.

გარდა ამისა, მხარეებმა შეეხნენ გეოპოლიტიკურ განვითარებებსაც და მოსაზრებები გაცვალეს სამხრეთ კავკასიაში მიმდინარე რეგიონულ პროცესებზე, ასევე სომხეთ–აზერბაიჯანისა და სომხეთ–თურქეთის ურთიერთობების ნორმალიზაციის საკითხებზე.