სომხეთისა და ლუქსემბურგის საგარეო საქმეთა მინისტრებმა სომხეთ–ევროკავშირის პარტნიორობასთან დაკავშირებული საკითხები განიხილეს

ლუქსემბურგში გაიმართა სომხეთის საგარეო საქმეთა მინისტრ არარატ მირზოიანისა და ლუქსემბურგის დიდი საჰერცოგოს საგარეო საქმეთა მინისტრ ქსავიე ბეტელის შეხვედრა․

„არმენპრესის“ ინფორმაციით, ამის შესახებ განცხადება სომხეთის საგარეო საქმეთა სამინისტრომ გაავრცელა․

მხარეებმა კიდევ ერთხელ დაადასტურეს სომხეთსა და ლუქსემბურგს შორის არსებული პოლიტიკური დიალოგის მაღალი დონე და აღნიშნეს, რომ იგი ვითარდება ურთიერთნდობის, საერთო ღირებულებებისა და ინტერესების საფუძველზე․ ორივე მხარემ ხაზი გაუსვა, რომ სომხეთსა და ლუქსემბურგს შორის ურთიერთობები თავისი შინაარსით სტრატეგიულია, რაც აისახება როგორც ერთობლივ პროექტებში, ისე ლუქსემბურგის მხარდაჭერაში სომხეთის დემოკრატიისა და მდგრადობის განვითარების მიმართულებით․

შეხვედრაზე განიხილეს სომხეთ–ევროკავშირის პარტნიორობასთან დაკავშირებული საკითხები, მათ შორის ახალი, უფრო ამბიციური სტრატეგიული დღის წესრიგის განხორციელებისკენ მიმართული მექანიზმების ეფექტიანი გამოყენება․

მხარეებმა შეთანხმდნენ, რომ გააგრძელებენ თანამშრომლობის განვითარებას სხვადასხვა ფორმატში․

ასევე გაიმართა აზრთა გაცვლა რეგიონულ განვითარებებთან დაკავშირებით․