1 წუთი კითხვის
სომხეთის რესპუბლიკის ეროვნული ასამბლეის თავმჯდომარემ, ალენ სიმონიანმა, ისაუბრა სომხეთის მხრიდან კოლექტიური უსაფრთხოების ხელშეკრულების ორგანიზაციიდან გასვლის შესაძლებლობაზე.
„არმენპრესის“ ინფორმაციით, ჟურნალისტების მიერ გამოთქმულ ბრალდებებს, რომ ეს გადაწყვეტილება ანტირუსულ განწყობებთან არის დაკავშირებული, მან ასე უპასუხა:
„კუხო-დან გამოსვლა ნიშნავს ანტირუსულობას? ვთქვათ, წევრობ ორგანიზაციაში, მაგალითად, ჟურნალისტთა კავშირში და თუ ეს ორგანიზაცია თავის ვალდებულებებს არ ასრულებს, და შენ გინდა, რომ დატოვო, ესე იგი ჟურნალისტების წინააღმდეგი ხარ?“.
როდესაც მას ჰკითხეს, რატომ არ ტოვებს მაშინ სომხეთი ოფიციალურად ორგანიზაციას, სიმონიანმა უპასუხა:
„ფაქტობრივად, უკვე გამოვედით. რაც შეეხება დანარჩენს, ეს უკვე ჩვენი პოლიტიკური მიზანშეწონილობისა და მოლაპარაკებების საკითხია“.
შეგახსენებთ, რომ სომხეთის საგარეო საქმეთა მინისტრის მოადგილემ, მნაცაკან საფარიანმა, 26 ნოემბერს ჟურნალისტებთან საუბარში განაცხადა, რომ ამ ეტაპზე სომხეთი არ განიხილავს კუხო-დან გამოსვლის საკითხს.