სტრატეგიული პარტნიორობის სულისკვეთებასთან თანხვედრაში: „არმენპრესი“ და „სინხუა“ თანამშრომლობის ახალი ეტაპის დასაწყისს ჩაეყარა

სომხეთის სახელმწიფო საინფორმაციო სააგენტო „არმენპრესი“ და ჩინეთის საინფორმაციო სააგენტო „სინხუა“ ახალი თანამშრომლობის ხელშეკრულებას მოაწერეს ხელი, რომელიც შესაძლებლობას მისცემს გააფართოვონ თანამშრომლობის ფარგლები, ახალ ხარისხზე აიყვანონ სიახლეების გაცვლის პროცესი და ხელი შეუწყონ ორ ხალხს შორის დაახლოებას.

ჩინეთის ქალაქ კუნმინში გამართული Global South Media and Think Tank Forum 2025-ის ფარგლებში გაიმართა „არმენპრესის“ დირექტორ ნარინე ნაზარიანისა და „სინხუას“ პრეზიდენტ ფუ ხუას შეხვედრა.

„არმენპრესის“ დირექტორმა ნარინე ნაზარიანმა ხაზგასმით აღნიშნა, რომ სომხეთისა და ჩინეთის ორ უმნიშვნელოვანეს საინფორმაციო სააგენტოს შორის თანამშრომლობის შესახებ შეთანხმების ხელმოწერა შეესაბამება აგვისტოს 31-ს მიღებული სომხეთსა და ჩინეთს შორის სტრატეგიული პარტნიორობის შესახებ ერთობლივი განცხადების სულისკვეთებას.

„მიუხედავად იმისა, რომ „არმენპრესისა“ და „სინხუას“ შორის თანამშრომლობის საფუძველი ჯერ კიდევ 2009 წელს ჩაიყარა, ეს ახალი შეთანხმება ჩვენს მტკიცე გადაწყვეტილებას გამოხატავს, დავაახლოვოთ ჩვენი ხალხები, ერთმანეთის საზოგადოებებს მივაწოდოთ ინფორმაცია ორი ქვეყნის ეკონომიკური, კულტურული და ჰუმანიტარული ცხოვრების შესახებ, მსოფლიომ გაიგოს ჩვენი წარმატების ისტორიები. ამ თანამშრომლობის შეთანხმებით, სააგენტოები განახორციელებენ მასალებისა და ფოტოების გაცვლას, პროფესიული ვიზიტების ორგანიზებას, ყოველდღიური კავშირის გზით განიხილავენ ურთიერთსაინტერესო საკითხებს და მხარს დაუჭერენ მასალების მომზადებას. გვჯერა, რომ მსოფლიოში, სადაც უკვე წაშლილია ჰუმანიტარული და კულტურული კომუნიკაციის საზღვრები, ტექნოლოგიების განვითარებამ კი საინფორმაციო წარმოების ჯაჭვი საგრძნობლად დააჩქარა, საინფორმაციო ხიდების აგება არის საუკეთესო გზა უფრო განათლებული, ინფორმირებული და პასუხისმგებლიანი საზოგადოების შესაქმნელად. მადლობას ვუხდი ჩვენს გუნდებს შეთანხმების შემუშავებაში გაწეული ძალისხმევისათვის და წარმატებას ვუსურვებ ჩვენს თანამშრომლობას“, – განაცხადა ნაზარიანმა.

„სინხუას“ პრეზიდენტმა ფუ ხუამ ასევე სიხარული გამოხატა შეთანხმების ხელმოწერის გამო და იმედი გამოთქვა მტკიცე და ეფექტიანი თანამშრომლობის შესახებ.

„არმენპრესისა“ და „სინხუას“ შორის თანამშრომლობა ჯერ კიდევ 2009 წელს დაიწყო თანამშრომლობის ხელშეკრულების გაფორმებით, თუმცა ახალი შეთანხმების ხელმოწერით ის ძალას კარგავს.

შეგახსენებთ, რომ სომხეთის პრემიერ-მინისტრ ნიკოლ ფაშინიანსა და ჩინეთის პრეზიდენტ სი ძინპინს შორის ქალაქ ტიანძინში გამართული შეხვედრის შემდეგ მხარეებმა სტრატეგიული პარტნიორობის დამყარების შესახებ განაცხადეს და მიიღეს ერთობლივი განცხადება. ამ განცხადებაში მხარეებმა მედიის სფეროში თანამშრომლობის გაღრმავების მზადყოფნაც გამოხატეს.

„არმენპრესის“ ჩინურ მედიასთან თანამშრომლობა მხოლოდ „სინხუასთან“ თანამშრომლობით არ შემოიფარგლება. სომხეთის სახელმწიფო საინფორმაციო სააგენტო თანამშრომლობს China Daily-სთან, CCTV-სთან, ასევე არის BRNN მედია-ორგანიზაციის წევრი.

„არმენპრესს“ აქვს საინფორმაციო მასალებისა და მედია-კონტენტის გაცვლის შესახებ შეთანხმებები და მემორანდუმები მსოფლიოს 35-ზე მეტ საინფორმაციო სააგენტოსთან და მედია-ორგანიზაციასთან.

მათ შორისაა EFE, ANSA, WAM, Xinhua, TASS, Moldpres, BTA, Ruptly, China Daily, IRNA, Mehr Media Group და მრავალი სხვა, რომელთა სრული სია ხელმისაწვდომია აქ.