სტამბოლში რუსეთსა და უკრაინას შორის მოლაპარაკებები დაიწყო

სტამბოლში დაიწყო რუსეთისა და უკრაინის პირდაპირი მოლაპარაკებები. „არმენპრესის“ ინფორმაციით, ამის შესახებ იტყობინება BBC თურქული ტელეარხების ტრანსლაციებზე დაყრდნობით․

მანამდე, რუსული დელეგაციის ხელმძღვანელმა ვლადიმირ მედინსკიმ შეხვედრა გამართა აშშ-ის წარმომადგენელთან. BBC-ის მონაცემებით, მედინსკი ესაუბრა აშშ-ის პოლიტიკის დაგეგმვის დირექტორ მაიკლ ენტონს.

მათი საუბრის დეტალები არ გავრცელებულა․

თურქეთის საგარეო საქმეთა სამინისტროს წყარომ „რიას ნოვოსტის“ აცნობა, რომ მოსკოვის, ანკარისა და კიევის წარმომადგენლების შეხვედრას თავმჯდომარეობას გაუწევს უწყების ხელმძღვანელი ჰაქან ფიდანი․

შეხვედრის დასაწყისში ჰაქან ფიდანმა აღნიშნა, რომ ანკარა მნიშვნელოვანად მიიჩნევს, რომ მხარეებმა გაითვალისწინეს აშშ-ის პრეზიდენტ დონალდ ტრამპისა და თურქეთის პრეზიდენტ რეჯეფ თაიფ ერდოღანის მშვიდობისკენ მოწოდებები, თუმცა, მისი თქმით, მოსკოვისა და კიევის დელეგაციებმა თავად უნდა გადაწყვიტონ, მიაღწიონ მშვიდობას, თუ გააგრძელონ „განმადგურებელი კონფლიქტი“.