1 წუთი კითხვის
სომხეთის პარლამენტში ჩამოყალიბდება სომხეთ-საუდის არაბეთის მეგობრობის ჯგუფი, რომელიც მიზნად ისახავს ორი ქვეყნის შორის დიპლომატიური და საპარლამენტთაშორისო ურთიერთობების განვითარებას. როგორც „არმენპრესი“ იუწყება, საკითხი განიხილეს საგარეო ურთიერთობების მუდმივმოქმედი კომიტეტის სხდომაზე და ერთხმად მიიღეს.
„2023 წელს სომხეთსა და საუდის არაბეთს შორის დამყარდა დიპლომატიური ურთიერთობები. გასულ წელს სომხეთმა და საუდის არაბეთმა ორმხრივად დანიშნეს არარეზიდენტი ელჩები. სულ ცოტა ხნის წინ კი საუდის არაბეთის საკონსულტაციო საბჭოში (მათი პარლამენტი) ჩამოყალიბდა საუდის არაბეთი-სომხეთის მეგობრობის ჯგუფი, რის შესახებაც ჩვენს პარტნიორებს ინფორმაცია მოგვაწოდეს. ვფიქრობ, ეს მისასალმებელი ნაბიჯია, განსაკუთრებით იმ ფონზე, როდესაც ახლად ყალიბდება დიპლომატიური ურთიერთობები. ჩვენც, საპასუხოდ, შევქმნით სომხეთ-საუდის არაბეთის მეგობრობის ჯგუფს“, – განაცხადა კომიტეტის თავმჯდომარე სარგის ხანდანიანმა.