სომხეთის საგამოძიებო კომიტეტის თავმჯდომარემ და რუსეთის ელჩმა ისაუბრეს მართლმსაჯულებისგან მიმალულ და რუსეთის ფედერაციაში მყოფ პირებზე

სომხეთის რესპუბლიკის საგამოძიებო კომიტეტის თავმჯდომარემ, არტურ პოღოსიანმა, 17 იანვარს მიიღო სომხეთში რუსეთის ფედერაციის საგანგებო და სრულუფლებიანი ელჩი სერგეი კოპირკინი.

„არმენპრესის“ ინფორმაციით, საგამოძიებო კომიტეტის ინფორმაციით, არტურ პოღოსიანმა ელჩს მიესალმა და ხაზგასმით აღნიშნა სომხეთის საგამოძიებო კომიტეტისა და სომხეთში რუსეთის საელჩოს შორის ჩამოყალიბებული საერთაშორისო-სამართლებრივი თანამშრომლობის მნიშვნელობა.

რუსეთის ელჩმა კომიტეტის თავმჯდომარეს თანამდებობაზე დანიშვნა მიულოცა და შეხვედრის ინიციატივისთვის მადლობა გადაუხადა.

საუბრის დროს საგამოძიებო კომიტეტის თავმჯდომარემ ისაუბრა სამართლებრივი დახმარების ფარგლებში ჯერ კიდევ შეუსრულებელ საგამოძიებო მოთხოვნებზე და იმედი გამოთქვა, რომ ამ მიმართულებით ქმედითი ნაბიჯები გადაიდგმება.

განხილულ იქნა ასევე მართლმსაჯულებისგან მიმალული და რუსეთის ფედერაციაში მყოფი რამდენიმე პირის საქმე.

შეხვედრის ფარგლებში მიღწეულ იქნა ურთიერთგაგების სხვა შეთანხმებებიც, რომლებიც საერთო ინტერესს წარმოადგენს.

მხარეებმა გამოხატეს მზადყოფნა უზრუნველყონ ეფექტიანი თანამშრომლობის მაღალი დონე და აღნიშნეს, რომ პროცესების შესაბამისობის დაცვა შემდგომი თანამშრომლობის განვითარებისთვის გადამწყვეტია.