სომხეთის დამსახურებული მხატვარი ოჰან პეტროსიანი გარდაიცვალა

ერევანი, 25 დეკემბერი, არმენპრესი: გარდაიცვალა მოქანდაკე, სომხეთის რესპუბლიკის დამსახურებული მხატვარი ოჰან პეტროსიანი.

„არმენპრესის“ ინფორმაციით, ამის შესახებ სომხეთის მხატვართა კავშირი იუწყება და აღნიშნავს, რომ მხატვრის სამგლოვიარო ცერემონია გაიმართება 26 დეკემბერს „სან ლაზარო“ საგლოვიარო დარბაზში, ხოლო დაკრძალვა – 27 დეკემბერს იმავე ადგილიდან.

კავშირის მთელი კოლექტივი თანაუგრძნობს მის ოჯახსა და ახლობლებს.

ვლადიმირ (ოჰან) პეტროსიანი დაიბადა 1941 წელს. 1959-1964 წლებში სწავლობდა ერევნის სახვითი ხელოვნებისა და თეატრის ინსტიტუტში. იგი მუშაობდა სატელევიზიო ფილმების და დადგმების დეკორატიულ გაფორმებაზე. 1990-1995 წლებში იყო სომხეთის უმაღლესი საბჭოს დეპუტატი, მეცნიერების, განათლების, ენისა და კულტურის საკითხთა მუდმივმოქმედი კომისიის წევრი.

პეტროსიანის მრავალფეროვან ნამუშევრებს ახასიათებს ფსიქოლოგიური ნაზი ხაზების გამჟღავნება და პლასტიკური შეზღუდული ფორმების ჰარმონიზაცია.

მისი ნამუშევრებია: „ალექსანდრ სპენდიარიანი“ (1975 წ., ბრინჯაო, სომხეთის ეროვნული გალერეა), „დონ კიხოტი“ (1971 წ., კერამიკა, ერევნის თანამედროვე ხელოვნების მუზეუმი), „დაბრუნება“ (1983 წ., ხე, ერევნის თანამედროვე ხელოვნების მუზეუმი), ხნკო აპრეს სახელობის ბიბლიოთეკის კარი (1982 წ., ხე, ერევანი), „ლ. მოტალოვა“ (1976 წ., თუჯი), „ჰრანტ მატევოსიანი“ (1985 წ., კერამიკა), „არშილ გორკი“ (1987 წ., ბრინჯაო), „სოსე მაირიკი“ (1987 წ., მარმარილო), „მარშალ ბაღრამიანის ბიუსტი“ (1997 წ., მარმარილო, ერევნის მეტროპოლიტენის „მარშალ ბაღრამიანი“ სადგური), ფრანც ვერფელის პორტრეტ-მემორიალი (1998 წ., ბრინჯაო, გრანიტი, ვენა), მაქსიმ გორკის მონუმენტი (1973 წ., რესპუბლიკური კონკურსის I პრემია), „მასწავლებელი“ ქანდაკებების ჯგუფი (1974 წ., რესპუბლიკური კონკურსის I პრემია), დიდი სამამულო ომის მემორიალური კომპლექსი (1989 წ., საკავშირო კონკურსის I პრემია), საერთაშორისო სავაჭრო-სამრეწველო გამოფენის სომხეთის პავილიონის დეკორატიული გაფორმება (1978 წ., ალჟირი, ვერცხლის მედალი), „ტარას შევჩენკო“ (2013 წ., ერევანი).