სომხეთ-ინდოეთი-ირანის სამმხრივ ფორმატში გამართულ შეხვედრაზე ხაზგასმული იქნა „ჩრდილოეთი-სამხრეთი“ სატრანსპორტო დერეფნის განვითარების აუცილებლობა

ერევანი, 13 დეკემბერი, არმენპრესი. 12 დეკემბერს ნიუ დელში სომხეთ-ინდოეთი-ირანის სამმხრივი ფორმატით მორიგი შეხვედრა გაიმართა.

„არმენპრესის“ ინფორმაციით, ამის შესახებ იტყობინება სომხეთის რესპუბლიკის საგარეო საქმეთა სამინისტრო.

შეხვედრა ინდოეთის მხრიდან უძღვებოდა ინდოეთის საგარეო საქმეთა სამინისტროს პაკისტანის, ავღანეთის და ირანის ტერიტორიული გენერალური დეპარტამენტის უფროსი ჯ. პ. სინგჰი, ხოლო სომხეთის და ირანის დელეგაციებს ხელმძღვანელობდნენ სომხეთის საგარეო საქმეთა სამინისტროს აზიისა და წყნარი ოკეანის ქვეყნების დეპარტამენტის უფროსი ანაჰიტ კარაპეტიანი და ირანის საგარეო საქმეთა სამინისტროს სამხრეთ აზიის დეპარტამენტის უფროსი ჰაშემ აშჯაზადე.

„2023 წლის აპრილში ერევანში გამართული წინა სამმხრივი შეხვედრების შედეგებზე დაყრდნობით, მხარეებმა განიხილეს კომუნიკაციების მარშრუტების ინიციატივები, მრავალმხრივ პლატფორმებზე თანამშრომლობა და რეგიონული განვითარებები. დაგეგმეს სავაჭრო, ტურისტული და კულტურული გაცვლების, ასევე ხალხთა შორის კონტაქტების გაძლიერების გზები“, - ნათქვამია სომხეთის საგარეო საქმეთა სამინისტროს განცხადებაში.

სამინისტროს ინფორმაციით, შეხვედრაზე დელეგაციებმა ხაზგასმით აღნიშნეს „ჩრდილოეთი-სამხრეთი“ საერთაშორისო სატრანსპორტო დერეფნის (INSTC) ფარგლებში მჭიდრო თანამშრომლობის აუცილებლობა და ამ კონტექსტში ჩაბაჰარის პორტის როლი.

სომხურმა მხარემ მონაწილეებს წარუდგინა კომუნიკაციების მარშრუტების თაობაზე თავისი „მშვიდობის გზაჯვარედინის“ პროექტი.