მთიანი ყარაბაღის სომხების დაბრუნების უფლება დადასტურებულია საერთაშორისო სასამართლოს მიერ: საფრანგეთის ელჩი

ერევანი, 19 სექტემბერი, არმენპრესი. სომხეთში საფრანგეთის საგანგებო და სრულუფლებიანმა ელჩმა ოლივიე დეკოტინიმ, 2023 წლის სექტემბერში მთიან ყარაბაღში აზერბაიჯანის მიერ განხორციელებულ ეთნიკურ წმენდაზე საუბრისას, ხაზი გაუსვა, რომ იძულებით გადაადგილებული სომხების სამშობლოში დაბრუნების უფლება დადასტურებულია საერთაშორისო სასამართლოს მიერ.

„არმენპრესის“ ინფორმაციით, ამის შესახებ აღნიშნულია საფრანგეთის ელჩის X მიკრობლოგზე გამოქვეყნებულ პოსტში, რომელთან ერთად მან გააზიარა ფოტოც, რომელიც ასახავს მთიანი ყარაბაღიდან სომეხი ხალხის იძულებით გადაადგილებას.

„ერთი წლის წინ, 2023 წლის 19 სექტემბერს, აზერბაიჯანის ცხრა თვის ბლოკადის შემდეგ, დაიწყო სასტიკი თავდასხმა, რომელიც მთიანი ყარაბაღიდან სომხების იძულებით გადასახლებას მოჰყვა.

მათი დაბრუნების უფლება დადასტურებულია საერთაშორისო სასამართლოს მიერ“, – გაახსენა თავის პოსტში დეკოტინიმ.