ელისეს სასახლეში ნიკოლ ფაშინიანსა და ემანუელ მაკრონს შორის შეხვედრა დაიწყო

პარიზში, ელისეს სასახლეში, სომხეთის პრემიერ-მინისტრ ნიკოლ ფაშინიანსა და საფრანგეთის პრეზიდენტ ემანუელ მაკრონს შორის შეხვედრა დაიწყო.

„არმენპრესის“ ცნობით, ამის შესახებ ინფორმაცია სომხეთის პრემიერ-მინისტრის პრესმდივანმა მელანია ჰარუთიუნიანმა „ფეისბუქის“ საკუთარ გვერდზე გამოქვეყნებული პოსტით გაავრცელა.

უფრო ადრე ვიუწყებოდით, რომ სომხეთის პრემიერ-მინისტრი ნიკოლ ფაშინიანი ორდღიანი სამუშაო ვიზიტით საფრანგეთის რესპუბლიკაში გაემგზავრა.

პრემიერ-მინისტრი პარიზში კოსმოსურ საკითხებზე გამართულ საერთაშორისო სამიტში მიიღებს მონაწილეობას.