არარატ მირზოიანმა სატელეფონო საუბარი გამართა ირანის საგარეო საქმეთა მინისტრთან

ერევანი, 23 აგვისტო, არმენპრესი. სომხეთის რესპუბლიკის საგარეო საქმეთა მინისტრმა, არარატ მირზოიანმა, 23 აგვისტოს სატელეფონო საუბარი გამართა ირანის ისლამური რესპუბლიკის ახლადდანიშნულ საგარეო საქმეთა მინისტრთან, საიედ აბას არაღჩისთან. „არმენპრესის“ ცნობით, ამის შესახებ ინფორმაციას სომხეთის რესპუბლიკის საგარეო საქმეთა სამინისტრო ავრცელებს.

არარატ მირზოიანმა მიულოცა საიედ აბას არაღჩის საგარეო საქმეთა მინისტრის თანამდებობაზე დანიშვნა და წარმატებები უსურვა მას ახალ მნიშვნელოვან მისიაში.

საუბრისას განიხილეს სომხეთსა და ირანს შორის ორმხრივი ურთიერთობების დღის წესრიგთან დაკავშირებული საკითხები, აქცენტი გაკეთდა მეგობრული კავშირების და ურთიერთსაინტერესო სფეროებში მტკიცე პარტნიორობის შემდგომი გამყარებისკენ მიმართულ უწყვეტ ძალისხმევაზე. ასევე ისაუბრეს სამომავლო გეგმებზე.

სომხეთის რესპუბლიკის საგარეო საქმეთა მინისტრმა აღნიშნა, რომ სომხური მხარე დიდად აფასებს სომხეთის რესპუბლიკის სუვერენიტეტისა და ტერიტორიული მთლიანობის შეუვალობასთან დაკავშირებით ირანის ისლამური რესპუბლიკის მტკიცე პოზიციას.