არარატ მირზოიანმა ბრიუსელში ევროკავშირის საგარეო საქმეთა მინისტრების არაფორმალურ საუზმეში მიიღო მონაწილეობა

ბრიუსელი, 11 დეკემბერი, არმენპრესი. დილით ადრე დაიწყო ევროკავშირის საგარეო საქმეთა მინისტრთა საბჭოს სხდომა, რომელსაც თავმჯდომარეობდა ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში ჯოზეფ ბორელი. საბჭოს სხდომის ფარგლებში გაიმართა არაფორმალური საუზმე, რომელშიც სომხეთის საგარეო საქმეთა სამინისტროს ხელმძღვანელი არარატ მირზოიანიც მონაწილეობდა.

„ეს არის კარგი შესაძლებლობა წარმოგიდგინოთ დღევანდელი სომხეთი, მისი პრობლემები, შესაძლებლობები და მისწრაფებები. ეს არის კარგი შესაძლებლობა წარმოვადგინოთ ჩვენი ხედვა ევროკავშირთან ურთიერთობის გაღრმავების შესახებ, ვისაუბროთ იმაზე, რაც უკვე გაკეთდა სომხეთსა და ევროკავშირს შორის, ასევე, რა არის გასაკეთებელი. ეს ასევე კარგი შესაძლებლობაა გამოვხატოთ მადლიერება ევროკავშირის მიმართ ჩვენი დემოკრატიული რეფორმების, მთიანი ყარაბაღიდან ლტოლვილების, სამხრეთ კავკასიაში მშვიდობისა და აზერბაიჯანთან ჩვენი ურთიერთობების ნორმალიზების პროცესისთვის მხარდაჭერისთვის“, - განაცხადა სომხეთის საგარეო საქმეთა მინისტრმა არაფორმალური საუზმის წინ.

როგორც ბრიუსელში „არმენპრესს“ კორესპონდენტი იუწყება, ევროკავშირის საგარეო საქმეთა მინისტრების საბჭოს სხდომა უკრაინის საგარეო საქმეთა მინისტრთან დიმიტრი კულებასთან აზრთა არაფორმალური გაცვლით დაიწყება. შეხვედრის დღის წესრიგში შედის რუსეთის აგრესია უკრაინის წინააღმდეგ, სიტუაცია ისრაელში და რეგიონში და სხვა საკითხები.

საღამოს მინისტრი არარატ მირზოიანი მიიღებს მონაწილეობას ევროკავშირის აღმოსავლეთ პარტნიორობის ქვეყნების საგარეო საქმეთა მინისტრების დონეზე გამართულ შეხვედრაში. მინისტრები განიხილავენ აღმოსავლეთ პარტნიორობის საკითხებს, საშუალებებსა და გზებს თანამშრომლობის გაფართოების ისეთ რეგიონებთან, როგორიცაა ცენტრალური აზია და დასავლეთ ბალკანეთი, ასევე შავი ზღვის სინერგია.

ლილით გასპარიან