368.54
1 րոպեի ընթերցում
Հայաստանի վարչապետ Նիկոլ Փաշինյանն Արմավիրի մարզի Վաղարշապատ համայնքի Լեռնամերձ բնակավայրում է։
«Արմենպրես»-ի փոխանցմամբ՝ Փաշինյանը «Ֆեյսբուք»-ի իր էջում գրել է, որ Լեռնամերձ բնակավայրը գազիֆիկացվել է։
Փաշինյանը շփվեց բնակիչների հետ, որոնք շնորհակալություն հայտնեցին Կառավարությանը՝ բնակավայրի համար կենսական նշանակություն ունեցող խնդիրը լուծելու համար։
Լեռնամերձ բնակավայրը գազիֆիկացվել է սուբվենցիոն ծրագրով. կառավարությունը ֆինանսավորել է ծրագրի 45 տոկոսը, իսկ 55-ը տոկոսը ֆինանսավորել է Վաղարշապատի համայնքապետարանը։
«Իսկ այդ գումարները հավաքվել են քաղաքացիների վճարած հարկերից։ Սա շատ կարևոր է արձանագրել։ Խնդրում եմ միշտ հիշել, որ ինչքան պետությունը հարուստ լինի, այնքան դուք հարուստ կլինեք։ Ինչքան դուք հարուստ լինեք, այնքան պետությունը հարուստ կլինի։ Ես ուզում եմ, որ մենք այս տրամաբանական կապը հասկանանք»,- նշել է վարչապետը։