Իսրայելը Գազայի քրիստոնյաներին թույլատրել Է Սուրբ Ծնունդի տոնին ժամանել Երուսաղեմ

ԵՐԵՎԱՆ, 23 ԴԵԿՏԵՄԲԵՐԻ, ԱՐՄԵՆՊՐԵՍ: Իսրայելի իշխանությունները Գազայի հատվածից քրիստոնյաներին թույլատրել են Սուրբ Ծնունդի տոնին ժամանել Երուսաղեմ եւ Արեւտյան ափ: Այդ մասին, ինչպես տեղեկացնում Է «Արմենպրես»-ը, հաղորդվում Է Իսրայելի պաշտպանության նախարարության ստորաբաժանման հայտարարության մեջ, որն զբաղվում Է տարածքներում կառավարական գործունեության համակարգմամբ (COGAT):

«COGAT-ի գեներալ-մայոր Քամիլ Աբու Ռուկունը Սուրբ Ծննդյան տոնի առթիվ զիջումներ Է արել Գազայի քրիստոնյա բնակչության ուղեւորությունների համար: Երուսաղեմ եւ Արեւմտյան ափ մուտքի թույլտվություններ կտրվեն անվտանգության տեսակետից իրադրության գնահատմանը համապատասխան եւ առանց տարիքի հաշվառման»,- ասված Է Twitter-ում COGAT-ի հայտարարության մեջ: Ավելի վաղ տեղեկացվել Է, որ Պաղեստինի կաթոլիկ առաջնորդներն Իսրայելի իշխանություններին կոչ են արել Գազայի հատվածի քրիստոնյաներին թույլ տալ մեկնել Բեթղեհեմ՝ տոնելու Սուրբ Ծնունդը, հաղորդել Է ՌԻԱ Նովոստին: