Կրթական համակարգում այլևս չկա համակարգային կոռուպցիա. Արայիկ Հարությունյան
1 րոպեի ընթերցում
![Կրթական համակարգում այլևս չկա համակարգային կոռուպցիա. Արայիկ Հարությունյան](http://armenpress.am/resized/480/static/news/b/2019/12/999530.jpg)
ԵՐԵՎԱՆ, 20 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ կրթության, գիտության, մշակույթի և սպորտի նախարար Արայիկ Հարությունյանի խոսքով` կրթական համակարգում այլևս չկա համակարգային կոռուպցիա:
«Արմենպրես»-ի փոխանցմամբ` այս մասին նախարարը նշեց դեկտեմբերի 20-ին խորհրդարանում «Կրթության ոլորտի բարեփոխումներն առաջիկա ռազմավարական մարտահրավերները» թեմայով խորհրդարանական լսումների ընթացքում:
«Կրթական համակարգում այլևս չկա համակարգային կոռուպցիա: Վերջերս հարցումների արդյունքներն էի նայում, թե ո՞ր ոլորտներում է ամենահաջող պայքարն ընթանում կոռուպցիայի դեմ, չորրորդ կետով նշված էր հանրակրթությունն ու կրթությունը»,- ասաց Հարությունյանը:
«Կրթության ոլորտի բարեփոխումներն առաջիկա ռազմավարական մարտահրավերները» թեմայով խորհրդարանական լսումները կազմակերպվել են ԱԺ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի նախաձեռնությամբ: