Ազգային ժողովն ավարտեց երրորդ նստաշրջանի աշխատանքը
1 րոպեի ընթերցում
![Ազգային ժողովն ավարտեց երրորդ նստաշրջանի աշխատանքը](http://armenpress.am/resized/480/static/news/b/2019/12/999399.jpg)
ԵՐԵՎԱՆ, 19 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետության 7-րդ գումարման ազգային ժողովը դեկտեմբերի 19-ին արտահերթ նիստով եզրափակեց երրորդ նստաշրջանը:«Արմենպրես»-ի հաղորդմամբ՝ ԱԺ նախագահ Արարատ Միրզոյանը նիստի վերջում հայտարարեց աշխատանքի ավարտի մասին: «Ազգային ժողովի 7-րդ գումարման 3-րդ նստաշրջանը համարում եմ փակված»,-ասաց Միրզոյանը:
Խորհրդարանը հերթական լիագումար նիստերի աշխատանքն ավարտել էր ավելի վաղ, սակայն դեկտեմբերի 19-ին պատգամավորների նախաձեռնությամբ գումարվել էր արտահերթ նիստ՝ երկրորդ ընթերցմամբ քննարկելու համայնքների միավորման կամ բաժանման հարցով խորհրդատվական հանրաքվե անցկացնելու մասին օրինագիծը: