2019 թվականի Խաղաղության Նոբելյան մրցանակը հանձնվեց Եթովպիայի վարչապետին
2 րոպեի ընթերցում
![2019 թվականի Խաղաղության Նոբելյան մրցանակը հանձնվեց Եթովպիայի վարչապետին](http://armenpress.am/resized/480/static/news/b/2019/12/998370.jpg)
Ծաղկային կոմպոզիցիաներով զարդարված բեմահարթակին Նորվեգիայի Նոբելյան կոմիտեի նախագահ Բերիտ Ռայս-Անդերսենը Եթովպիայի վարչապետին հանձնել Է ոսկե մեդալ՝ մրցանակի հիմնադիր Ալֆրեդ Նոբելի դիմանկարով, եւ դիպլոմ:
Աբիյ Ահմեդը պարգեւին արժանացել Է «Էրիթրեայի հետ սահմանային հակամարտության լուծման նախաձեռնության համար», որը շարունակվում Էր 1998 թվականից մինչեւ 2018 թվականը, որի հետեւանքով զոհվել են 370 հազարից ավելի Էրիթրեացիներ եւ 350 հազար եթովպիացիներ:
Դեկտեմբերի 6-ից Ստոկհոլմում սկսվել Է նոբելյան հանդիսությունների շաբաթը, որի ընթացքում մեծարելու են աշխարհում ամենահայտնի գիտական մրցանակի դափնեկիրներին: Ընդամենն այս տարի պարգեւ կստանա 15 մարդ: Ընդամենը Ստոկհոլմում եւ Օսլոյում հանդիսությունների վրա Նոբելյան հիմնադրամի միջոցներից կծախսվի 15 մլն կրոն (մոտավորապես 1,57 մլն դոլար):
1901 թվականից պարգեւը հանձնվել Է ընդհանուր առմամբ 595 անգամ, այն ստացել Է 916 մարդ եւ 24 կազմակերպություն: Ստոկհոլմի ֆիլհարմոնիայում եւ Օսլոյի քաղաքապետարանում մրցանակի հանձնումն տեղի Է ունենում դեկտեմբերի 10-ին՝ դրա հիմադիր Ալֆրեդ Նոբելի մահվան օրը: Իսկ հաջորդ օրը Նոբելյան հիմնադրամը նրանց բանկային հաշիվներին կփոխանցի դրամական բաղադրիչը: Դրա չափը յուրաքանչյուր անվանակարգում հասնում Է 9 մլն կրոնի (944 հազար դոլար), հաղորդել Է ՏԱՍՍ-ը: