Միանգամից երկու կին տիեզերագնացի դուրս գալը բաց տիեզերք կկայանա նախատեսվածից շուտ

ԵՐԵՎԱՆ, 15 ՀՈԿՏԵՄԲԵՐԻ, ԱՐՄԵՆՊՐԵՍ: Պատմության մեջ առաջին անգամ երկու կին տիեզերագնացի դուրս գալը բաց տիեզերք տեղի կունենա հոկտեմբերի 17-ին:

Ինչպես հաղորդում է «Արմենպրես»-ը՝ վկայակոչելով «ՌԻԱ Նովոստի»-ին, Միջազգային տիեզերական կայանից բաց տիեզերք դուրս կգան ամերիկացի տիեզերագնացներ Քրիստինա Կուկը և Ջեսիկա Մեյրը:

Հոկտեմբերի սկզբում ՆԱՍԱ-ն հայտարարել էր, որ կանանց այդ թռիչքը կկայանա հոկտեմբերի 21-ին:

Կուկի և Մեյրի բաց տիեզերք դուրս գալու նպատակը ՄՏԿ-ի ամերիկյան հատվածի էլեկտրամատակարարման համակարգում մարտկոցի լիցքավորման և լիցքավորման միավորի փոխարինումն է։