368.59
Ֆրանսիայում դատարանն արգելել է երեխային տալ «Ջիհադ» անունը
1 րոպեի ընթերցում
ԵՐԵՎԱՆ, 28 ՍԵՊՏԵՄԲԵՐԻ, ԱՐՄԵՆՊՐԵՍ: Ֆրանսիայի Դիժոն քաղաքի դատարանն ընդունել է որոշում, որն արգելում է երեխային անվանել «Ջիհադ» անունով: Ինչպես հաղորդում է «Արմենպրես»-ը, այս մասին հայտնում է «ՌԻԱ Նովոստի»-ն:
2018 թվականին Դիժոնի բնակիչներից մեկը որդի էր ունեցել և որոշել էր նրան անվանել «Ջիհադ»: Գործի՝ ամիսներ տևած քննությունից հետո ընտանեկան հարցերով դատավորը վճռել էր, որ անունը «վնասում է երեխայի շահերին»:
«Անգամ եթե «Ջիհադ» անունն արաբական աշխարհում օգտագործվում է և նշանակում սրբազան պատերազմ, ունի դրական իմաստ, հասարակության մեջ այն շարունակում է մնալ ու ասոցացվել իսլամական ծայրահեղական շարժումների հետ»,- ասվում է դատարանի որոշման մեջ:
Ֆրանսիական ռադիոկայանը հայտնում է, որ երեխային անվանելու են «Ջահիդ»:
Բաժանորդագրվեք մեր ալիքին Telegram-ում