ԱԽ քարտուղարի և ԱԺ խմբակցությունների ղեկավարների հանդիպմանը ներկայացվել է ԱԱՌ նախնական կառուցվածքը
1 րոպեի ընթերցում
![ԱԽ քարտուղարի և ԱԺ խմբակցությունների ղեկավարների հանդիպմանը ներկայացվել է ԱԱՌ նախնական կառուցվածքը](http://armenpress.am/resized/480/static/news/b/2019/09/989085.jpg)
ԵՐԵՎԱՆ, 23 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ անվտանգության խորհրդի քարտուղար Արմեն Գրիգորյանն ազգային անվտանգության ռազմավարության մշակման աշխատանքների շրջանակներում սեպտեմբերի 23-ին ընդունել է Ազգային ժողովի «Իմ քայլը» խմբակցության ղեկավար Լիլիթ Մակունցին, «Բարգավաճ Հայաստան» խմբակցության ղեկավար Գագիկ Ծառուկյանին, «Լուսավոր Հայաստան» խմբակցության ղեկավար Էդմոն Մարուքյանին ևնույն խմբակցության քարտուղար Գևորգ Գորգիսյանին։
Ինչպես «Արմենպրես»-ին տեղեկացրին ՀՀ ԱԽ գրասենյակից, հանդիպման ընթացքում ներկայացվել են ազգային անվտանգության ռազմավարության (ԱԱՌ) մշակման գործընթացը և փաստաթղթի նախնական կառուցվածքը։ ԱԽ քարտուղար Արմեն Գրիգորյանը կարևորել է ԱԺ խմբակցությունների մասնակցությունը ԱԱՌ-ի մշակման գործընթացին:
Կողմերը համատեղ քննարկել են ԱԱՌմշակման գործընթացն առավել արդյունավետ դարձնելու հետագա գործողությունները: