1 րոպեի ընթերցում
ԵՐԵՎԱՆ, 29 ՕԳՈՍՏՈՍԻ, ԱՐՄԵՆՊՐԵՍ: Կառավարության նիստում Վարչապետ Նիկոլ Փաշինյանն անդրադարձավ ռազմաարդյունաբերական ոլորտի ընկերությունների ներկայացուցիչների հետ հանդիպմանը և ձեռք բերված պայմանավորվածությանը:
«Պայմանավորվել ենք, որ շատ արագ կգույքագրենք ռազմարդյունաբերության ոլորտի այն արտադրանքները, որոնք թողարկվում են Հայաստանում: Կկազմենք Զինված ուժերի առաջիկա 5 տարիների մոտավոր պահանջարկի պլան, ոլորտի հետ կաշխատենք երկու ուղղությամբ՝ կառավարությունը խնդիր կդնի, որ տեղական արտադրողից լինեն ձեռքբերումները, եթե տեղական արտադրողներն ի ցույց կդնեն իրենց արդյունավետությունը բարձրացնելուն, ինքնարժեքը ցածրացնելուն ուղղված կոնկրետ գործողություններ և ճանապարհային քարտեզ»,- «Արմենպրես»-ի փոխանցմամբ, ասաց վարչապետը:
Կառավարության ղեկավարը պատասխանատուներին հանձնարարեց մեկամսյա պարբերականությամբ իրեն զեկուցել իրավիճակի մասին: