368.59
Ադրբեջանական զորամասում տեղի ունեցած պայթյունի հետևանքով մահացել է 2 զինծառայող
1 րոպեի ընթերցում
ԵՐԵՎԱՆ, 6 ՀՈՒԼԻՍԻ, ԱՐՄԵՆՊՐԵՍ: Ադրբեջանի զինված ուժերի զորամասներից մեկում հուլիսի 6-ին պայթյուն է տեղի ունեցել, որի հետևանքով մահացել է 2, վիրավորվել՝ 1 զինծառայող:
Ինչպես հաղորդում է «Արմենպրես»-ը, այս մասին հայտնում են ադրբեջանական ԶԼՄ-ները:
Ադրբեջանի պաշտպանության նախարարության տրամադրած տեղեկատվության համաձայն՝ զինծառայողի ձեռքից վայր է ընկել տանկային արկի լիցքը, ինչի հետևանքով էլ տեղի է ունեցել պայթյունը: Մահացած զինծառայողներից մեկը ենթասպա է, մյուսը՝ կրտսեր սերժանտ: Վիրավոր ենթասպայի մասին դեռևս տվյալներ չեն հաղորդվում:
Բաժանորդագրվեք մեր ալիքին Telegram-ում