2 րոպեի ընթերցում
ԵՐԵՎԱՆ, 3 ՄԱՅԻՍԻ, ԱՐՄԵՆՊՐԵՍ: «Գահերի խաղը» սերիալում Դեյեներիս Թարգարիենի դերակատարուհի Էմիլյա Քլարքը պատմել Է, թե ինչ կարելի Է սպասել եզրափակիչ Էպիզոդներից: Ինչպես դերասանուհին հայտարարել Է Ջիմմի Քիմելի շոուի ժամանակ, վերջին եթերաշրջանի հինգերորդ սերիան պետք Է որ երկրպագուներին ավելի շատ ապշեցնի, քան երրորդ սերիան, տեղեկացնում Է «Արմենպրես»-ը:
Խոսելով այն մասին, թե երկրպագուներն ինչ կարող են սպասել սագայի վերջաբանից, դերասանուհին հայտարարել Է, որ դա կատարյալ խելահեղություն Է լինելու:
«Հինգերորդ սերիան պարզապես «աաաախ…» Է»,-հայտարարել Է Քլարքը:-Ես նկատի ունեմ չորրորդ, հինգերորդ եւ վեցերորդ սերիաները: Գտեք ամենամեծ հեռուստացույցը, որը կկարողանաք»: «Գահերի խաղը» հեռուստասերիալը նկարահանվել Է Ջորջ Մարտինի «Սառույցի եւ կրակի երգը» ֆենթեզի-շարքի հիման վրա:
Վիպաշարի եւ սերիալի գործողությունը տեղի Է ունենում երկու մտացածին մայրցամաքներում, որտեղ մի շարք արիստոկրատական տոհմեր մրցակցում են Վեսթերոսի յոթ թագավորությունների նկատմամբ գերիշխանության համար այն դեպքում, երբ ողջ մարդկությանը ոչնչացում Է սպառնում անդրշիրիմյան ուժերի արշավանքի պատճառով: Սերիալի ստեղծողները, որն առավել մեծ ժողովրդականություն վայելողներից մեկն Է դարձել պատմության մեջ, «Էմմի» 38 հեղինակավոր մրցանակ Է ստացել, հաղորդել Է ՌԻԱ Նովոստին: