Ադրբեջանն Արցախի ուղղությամբ մեկ շաբաթում ավելի քան 2200 կրակոց է արձակել
1 րոպեի ընթերցում
![Ադրբեջանն Արցախի ուղղությամբ մեկ շաբաթում ավելի քան 2200 կրակոց է արձակել](http://armenpress.am/resized/480/static/news/b/2019/04/972064.jpg)
ՍՏԵՓԱՆԱԿԵՐՏ, 20 ԱՊՐԻԼԻ, ԱՐՄԵՆՊՐԵՍ: Արցախի և Ադրբեջանի հակամարտ զորքերի շփման գոտում ապրիլի 14-20-ն ընկած ժամանակահատվածում հակառակորդը հրադադարի պահպանման ռեժիմը խախտել է շուրջ 250 անգամ, որի ընթացքում, տարբեր տրամաչափի հրաձգային զինատեսակներից, հայ դիրքապահների ուղղությամբ արձակել է ավելի քան 2200 կրակոց:
Ինչպես «Արմենպրես»-ին տեղեկացրին ԱՀ ՊՆ մամուլի ծառայությունից, ՊԲ առաջապահ զորամասերը լիակատար վերահսկողություն են պահպանում առաջնագծում և շարունակում վստահորեն իրականացնել իրենց առջև դրված մարտական խնդիրը: