1 րոպեի ընթերցում
ԵՐԵՎԱՆ, 15 ԱՊՐԻԼԻ, ԱՐՄԵՆՊՐԵՍ: HBO հեռուստաալիքն ապրիլի 14-ին սկսել Է «Գահերի խաղի» եզրափակիչ՝ ութերորդ եթերաշրջանի ցուցադրումը, տեղեկացնում Է «Արմենպրես»-ը:
Պրեմիերային ցուցադրությունն սկսվել Է Արեւելյան ափի ժամանակով ժամը 21:00-ին (Երեւանի ժամանակով 05:00-ին):
Նոր եթերաշրջանը բաղկացած Է ընդամենը վեց մասից, ընդ որում դրա ավարտը կարող Է տարբերվել Ջորջ Մարտինի «Սառույցի եւ կրակի երգը» վիպաշարի վերջաբանից, որն առայժմ հրապարակել Է պլանավորված յոթ գրքից միայն հինգը:
«Գահերի խաղը» ցուցադրվում Է 2011 թվականից եւ ամենաթանկերից մեկն Է հեռուստատեսության պատմության մեջ. վերջին եթերաշրջանի մեկ սերիայի արտադրությունը նստել Է մոտավորապես 15 մլն դոլար: Սերիալը բազմաթիվ պարգեւների Է արժանացել ընդգրկուն նկարահանումների եւ հայտնի բազմաթիվ դերասանների մասնակցության շնորհիվ, հաղորդել Է «Ինտերֆաքս»-ը: