Աֆղանստանում ականանետային արկի հետևանքով դպրոցականներ են մահացել
1 րոպեի ընթերցում
![Աֆղանստանում ականանետային արկի հետևանքով դպրոցականներ են մահացել](http://armenpress.am/resized/480/static/news/b/2019/03/969563.jpg)
ԵՐԵՎԱՆ, 30 ՄԱՐՏԻ, ԱՐՄԵՆՊՐԵՍ: Աֆղանստանի կենտրոնական Ղազնի շրջանում դպրոցի վրա ընկած ականանետային արկի հետևանքով մահացել է 10-16 տարեկան չորս դպրոցական, ևս 17 մարդ վիրավորվել է: Ինչպես հաղորդում է «Արմենպրես»-ը, այս մասին հայտնում է «ՌԻԱ Նովոստի»-ն:
Associated Press-ը հայտնել է, որ Ղազնիում Աֆղանստանի անվտանգության ուժերի և «Թալիբան»-ի զինյալների միջև բախում է տեղի ունեցել, ինչի հետևանքով էլ կողմերից մեկն արձակել է արկը: Կողմերից ոչ մեկը կատարվածի պատասխանատվությունը չի ստանձնել:
Վիրավորում ստացած 17 անձանցից 15-ը աշակերտներ են, 2-ը՝ ուսուցիչներ: