1 րոպեի ընթերցում
ԵՐԵՎԱՆ, 4 ՄԱՐՏԻ, ԱՐՄԵՆՊՐԵՍ: Մարտի 4-ի առավոտյան 49 տարեկան հասակում մահացել Է The Prodigy խմբի վոկալիստ Քեյթ Ֆլինթը: Այդ մասին, ինչպես տեղեկացնում Է «Արմենպրես»-ը, հայտնել Է The Sun բրիտանական տաբլոիդը:
Հրատարակության տվյալներով՝ երաժիշտը մահացել Է Էսեքսի կոմսությունում գտնվող իր տանը: Ինչպես նշել Է ոստիկանությունը, նրա մահվան մեջ բռնության հետքեր չեն հայտնաբերվել:
Քեյթ Ֆլինթը ճանաչում Է ձեռք բերել որպես 1990 թվականին հիմնված The Prodigy խմբի վոկալիստ, որտեղ նա սկզբում միայն պարող Էր: 1996 թվականին նա իբրեւ վոկալիստ Է հանդես եկել Firestarter սինգլի ձայնագրման ժամանակ, որը դարձել Է համաշխարհային հիթ: Հետագայում նա մասնակցել Է այնպիսի թրեքների ձայնագրմանը, ինչպիսիք են՝ Omen-ը, Breath-ը, Baby՚s Got a Temper-ը, հաղորդել Է «Ինտերֆաքս»-ը: