Հայ դատը Ցեղասպանությունը ճանաչելու նախաքայլ է համարում Եգիպտոսի նախագահի հայտարարությունը

3 րոպեի ընթերցում

ԵՐԵՎԱՆ, 18 ՓԵՏՐՎԱՐԻ, ԱՐՄԵՆՊՐԵՍ: Եգիպտոսի նախագահ Աբդել Ֆաթթահ էլ Սիսին Մյունխենի անվտանգության համաժողովին ունեցած ելույթում հիշատակել է Հայոց ցեղասպանության մասին՝ առանց «ցեղասպանություն» եզրույթն օգտագործելու:

Ինչպես հաղորդում է «Արմենպրես»-ը, Մյունխենի անվտանգության համաժողովի ընթացքում Եգիպտոսի նախագահն ընդգծել է, որ Եգիպտոսն ընդունել և ապաստան է տրամադրել 100 տարի առաջ ջարդերից մազապուրծ հայերին: Եգիպտոսի նախագահը խոսել է ջարդերից մազապուրծ հայ գաղթականների ընդունելու մասին, սակայն դրա պատճառներին չի անդրադարձել:

Եգիպտոսի Հայ դատի հանձնախումբը Եգիպտոսի նախագահի հայտարարությունը գնահատել է որպես Հայոց ցեղասպանությունը ճանաչելու ուղղությամբ նախաքայլ:

«Եգիպտոսի նախագահը Հայոց ցեղասպանությունը ճանաչելու ուղղությամբ նախաքայլ է անում:

Մյունխենի անվտանգության համաժողովի գլխավոր նիստի ընթացքում Եգիպտոսի նախագահ Աբդել Ֆաթթահ էլ Սիսիի՝ Թուրքիայի եւ արբանյակների՝ որպես ահաբեկչական կազմակերպությունների գործունեությունը չտեսնել ձևացնող կամ քաջալերողների թափանցիկ ակնարկն ամբողջացնող բաժինը եղավ գաղթականություն հարուցող պետությունների մասին խոսքի մեջ հարյուր տարի առաջ տեղի ունեցած ջարդերի հետևանքով հայ գաղթականության մասին հիշատակումը:

Ճիշտ է, «ցեղասպանություն» եզրը Եգիպտոսի նախագահը չօգտագործեց, սակայն առաջին քայլը կատարեց այդ ուղղությամբ՝ ներկա իրողությունների լույսի տակ դրա հիշատակման անհրաժեշտությունը տեսնելով: Նախապես նա խոսեց Եգիպտոսի կողմից հայ գաղթականներ ընդունած լինելու մասին, սակայն պատճառի մասին չխոսեց: Եգիպտոսի Հայ Դատի հանձնախումբը ողջունում է Եգիպտոսի նախագահի այս քայլը՝ այն գնահատելով ոչ միայն Հայոց ցեղասպանությունը ճանաչելու նախաքայլ, այլև հետագա ցեղասպանությունները կանխելու և արգելելու Հայաստանի Հանրապետության քաղաքակրթական նախաձեռնությանը՝ Մերձավոր Արևելքում և Հյուսիսային Աֆրիկայում գլխավոր դերակատարի դրական արձագանք ու դրան միանալու խոստում:

Մենք մեր ձայնն ենք միացնում նախագահ Սիսիին՝ պահանջելով հաշվետվության կանչել ահաբեկչական կազմակերպություններ խրախուսողներին ու ժողովուրդների ճակատագիրը ջլատողներին, նրանց դժբախտացնողներին»,-ասված է Եգիպտոսի Հայ դատի հանձնախմբի տարածած հայտարարության մեջ:

Հայերեն العربية English Français Русский

Հայաստանն ու Եգիպտոսը քննարկել են առևտրի ոլորտում համագործակցությունը խորացնելու հեռանկարները

Հայաստանի պատմության թանգարանն ու Աթենքի ազգային հնագիտական թանգարանը համատեղ ցուցահանդեսներ կիրականացնեն

Վահան Կոստանյանը հանդիպել է ՄԱԿ-ի գլխավոր քարտուղարի՝ Սիրիայի հարցերով հատուկ բանագնացի տեղակալի հետ

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ