398.94
Կրթության, մշակույթի, սփյուռքի, սպորտի հարցերով հանձնաժողովի փոխնախագահ ընտրվեց Հովհաննես Հովհաննիսյանը
1 րոպեի ընթերցում
ԵՐԵՎԱՆ, 8 ՓԵՏՐՎԱՐԻ, ԱՐՄԵՆՊՐԵՍ: ՀՀ ազգային ժողովի գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահի տեղակալ ընտրվեց «Իմ քայլը» խմբակցության պատգամավոր Հովհաննես Հովհաննիսյանը: «Արմենպրես»-ի հաղորդմամբ` նա միաձայն ընտրվեց հանձնաժողովի առաջին նիստում քվեարկությամբ:
«Իմ գործունեության ոլորտը եղել է բարձրագույն կրթության և միջին մասնագիտական ոլորտի համակարգումը: Բարձրագույն կրթության ոլորտում ունենք լուրջ մարտահրավերներ: Դա «Բարձրագույն կրթության» մասին օրենքի ընդունումն է: Սակայն դրան պետք է նախորդեն հանրային քննարկումներ: Մենք պետք է օրենքը բերենք մաքսիմում ընդունելի տեսքի»,-ասաց Հովհաննիսյանը:
Հանձնաժողովի փոխնախագահը բավականին լուրջ խնդիրներ տեսավ նաև նախադպրոցական կրթության ոլորտում: Նա շեշտեց, որ հնարավորինս մասնակցային պիտի աշխատեն հանձնաժողովի շրջանակում:
Հովհաննիսյանը նախքան պատգամավոր ընտրվելը եղել է ՀՀ կրթության և գիտության փոխնախարար:
Բաժանորդագրվեք մեր ալիքին Telegram-ում