Էթ-Թանֆայի ռազմակայանը վերջինը կլինի Սիրիայից ամերիկյան զորքերի դուրսբերման գրաֆիկում. NBC
2 րոպեի ընթերցում
![Էթ-Թանֆայի ռազմակայանը վերջինը կլինի Սիրիայից ամերիկյան զորքերի դուրսբերման գրաֆիկում. NBC](http://armenpress.am/resized/480/static/news/b/2019/02/962774.jpg)
ԵՐԵՎԱՆ, 1 ՓԵՏՐՎԱՐԻ, ԱՐՄԵՆՊՐԵՍ: Ամերիկացի զինվորականները Սիրիայից ԱՄՆ-ի զորակազմը դուրս բերելիս մտադիր են միայն գործընթացի ավարտական փուլում լքել Էթ-Թանֆայի ռազմակայանը, որը տեղակայված Է Սիրիայի Արաբական Հանրապետության, Իրաքի եւ Հորդանանի սահմանների կցատեղում: Այդ մասին, ինչպես տեղեկացնում Է «Արմենպրես»-ը, հայտնել Է NBC ամերիկյան հեռուստաալիքը:
Նրա աղբյուրների խոսքով՝ Պենտագոնում չեն բացառում, որ ԱՄՆ-ի նախագահ Դոնալդ Թրամփը կարող Է փոխել Սիրիայից ամերիկյան զորքերի դուրսբերման պլանները եւ որոշել՝ որոշ զորամասեր թողնել նշված ռազմակայանում: Ինչպես ընդգծվում Է հրապարակման մեջ, ԱՄՆ-ի վարչակազմում շարունակվում են բանավեճերն այն բանի շուրջ, թե ընդհանրապես պետք Է արդյոք հեռանալ այդ ռազմակայանից: Ազգային անվտանգության հարցերով Թրամփի խորհրդական Ջոն Բոլթոնը, մասնավորապես, հանդես Է գալիս այդ քայլի դեմ: Նա այն կարծիքին Է, որ ռազմակայանում ամերիկյան զորակազմի ներկայությունը կդժվարացնի Իրանի ազդեցության ընդլայնումը Սիրիայում: Նյութում արձանագրվում Է, որ ներկայում Սիրիայում գտնվում են մոտավորապես 3 հազար ամերիկացի զինծառայողներ: Վերջին շաբաթներին երկիր են փոխադրվել լրացուցիչ ուժեր, որոնք պետք Է աջակցություն ցուցաբերեն ԱՄՆ-ի զորքերի դուրսբերմանը: Սպասվում Է, որ այդ գործընթացը կավարտվի գարնան կեսերին, հաղորդել Է ՏԱՍՍ գործակալությունը: