Կառավարության աշխատակազմում մի շարք փոփոխություններ են եղել
1 րոպեի ընթերցում
![Կառավարության աշխատակազմում մի շարք փոփոխություններ են եղել](http://armenpress.am/resized/480/static/news/b/2019/01/960607.jpg)
ԵՐԵՎԱՆ, 14 ՀՈՒՆՎԱՐԻ, ԱՐՄԵՆՊՐԵՍ: ՀՀ կառավարության աշխատակազմում կադրային մի շարք փոփոխություններ են եղել:
«Արմենպրես»-ի հաղորդմամբ, ՀՀ վարչապետի որոշմամբ, Վարազդատ Կարապետյանն ազատվել է վարչապետի խորհրդականի պաշտոնից: Վարչապետի օգնականի պաշտոնից ազատվել են Արեն Մկրտչյանը, Արփինե Դավոյանը:
Մեկ այլ որոշմամբ, ՀՀ վարչապետի խորհրդականի պաշտոնից ազատվել են Արտակ Մանուկյանը, Նիկոլայ Բաղդասարյանը:
Սարգիս Խանդանյանն էլ ազատվել է վարչապետի աշխատակազմի ղեկավարի տեղակալի պաշտոնից: