1 րոպեի ընթերցում
ԵՐԵՎԱՆ, 8 ՀՈՒՆՎԱՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի և Լոնդոնի «Արսենալ»-ի կիսապաշտպան Հենրիխ Մխիթարյանը կարող է հեռանալ «զինագործների» կազմից:
«Արմենպրես»-ի հաղորդմամբ` այս մասին գրում է անգլիական Sky Sport-ը՝ փաստելով, որ «Արսենալ»-ը հետաքրքրված է «Բարսելոնա»-ի կիսապաշտպան Դենիս Սուարեսի ծառայություններով: Սուարեսի հետ գործարքի դեպքում հնարավոր է, որ Մխիթարյանը հեռանա ակումբից, քանի որ հայ կիսապաշտպանի` մեկնարկային կազմում լինելու փաստը հարցականի տակ կլինի:
«Արսենալ»-ի գլխավոր մարզիչ Ունայի Էմերին ավելի վաղ աշխատել է Սուարեսի հետ: