1 րոպեի ընթերցում
ԵՐԵՎԱՆ, 28 ԴԵԿՏԵՄԲԵՐԻ, ԱՐՄԵՆՊՐԵՍ: Երևան-Աշտարակ ավտոճանապարհին ճանապարհատրանսպորտային պատահար է տեղի ունեցել՝ «Oպել» մակնիշի ավտոմեքենան բախվել է «ԳԱԶել» մակնիշի միկրոավտոբուսին:
«Արմենպրես»-ի հաղորդմամբ՝ ինչպես հայտնում են ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, կան տուժածներ:
«911» ծառայությանն ահազանգը ստացվել է դեկտեմբերի 28-ին, ժամը 12:15-ին:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Մինչ փրկարարների՝ կանչի վայր հասնելը, «Oպել» մակնիշի ավտոմեքենայի վարորդը և երկու ուղևորները տեղափոխվել են«Արմենիա» ՀԲԿ:
Կտրվի լրացուցիչ տեղեկություն: