Տիգրան Ավինյանը ցավակցություն է հայտնել ՍՈՒ-25 մարտական ինքնաթիռի վթարից մահացածների հարազատներին
1 րոպեի ընթերցում
ԵՐԵՎԱՆ, 4 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ փոխվարչապետի պաշտոնակատար Տիգրան Ավինյանն իր խորին ցավակցությունն է հայտնել ՍՈՒ-25 մարտական ինքնաթիռիվթարից մահացած օդաչուների հարազատներին: «Արմենպրես»-ի հաղորդմամբ՝ Ավինյանն այս մասին գրառում է կատարել «Ֆեյսբուք»-ի իր էջում:
«Խորին ցավակցություններս եմ հայտնում փոխգնդապետ Արմեն Բաբայանի և մայոր Մովսես Մանուկյանի ընտանիքներին և հարազատներին»,-գրել է Ավինյանը:
Դեկտեմբերի 4-ին, ժամը 10.20-ի սահմաններում, կորել էր կապը ամենօրյա մարտական պատրաստության պլանով ուսումնամարզական թռիչք իրականացնող ՀՀ զինված ուժերի ՍՈՒ-25 մարտական ինքնաթիռի հետ: Ինքնաթիռը թռիչքային երթուղի էր դուրս եկել ժամը 10.06-ին` Գյումրիի օդանավակայանից: ՀՀ զինված ուժերի ՍՈՒ-25 մարտական ինքնաթիռի վթարի վայրը Մարալիկի տարածաշրջանում էր, լեռներում։ Մահացել են օդաչուներ՝ փոխգնդապետ Արմեն Բաբայանն ու մայոր Մովսես Մանուկյանը։