Եմենում գրեթե 85 հազար երեխա Է սովից մահացել հակամարտության ընթացքում
1 րոպեի ընթերցում
![Եմենում գրեթե 85 հազար երեխա Է սովից մահացել հակամարտության ընթացքում](http://armenpress.am/resized/480/static/news/b/2018/11/955648.jpg)
ԵՐԵՎԱՆ, 23 ՆՈՅԵՄԲԵՐԻ, ԱՐՄԵՆՊՐԵՍ: Եմենում վերջին երեք տարվա ընթացքում 5 եւ ավելի ցածր տարիքի մոտավորապես 85 հազար երեխա Է մահացել սովից: Այդ մասին, ինչպես տեղեկացնում Է «Արմենպրես»-ը, հայտնել Է ABC News-ը:
Save the Children միջազգային կազմակերպությունը վերլուծել Է խիստ թերսնումից երեխաների մահացության վերաբերյալ ՄԱԿ-ի տվյալները եւ հաշվել, որ Եմենում 2015 թվականի ապրիլից մինչեւ 2018 թվականի հոկտեմբերը մահացել Է գրեթե 85 հազար երեխա: Save the Children-ի եմենյան ստորաբաժանման տնօրեն Թամեր Կիրոլոսն արձանագրել Է, որ երկրում եւս 5,2 մլն երեխաներ սովի եզրին են: Եմենում պաշտոնապես սով հայտարարված չԷ, սակայն ՄԱԿ-ը նախազգուշացնում Է, որ երկրում սովի սպառնալիքն ավելի ուժեղ Է, քան կարող են պատկերացնել փորձագետները, հաղորդել Է «Ինտերֆաքս»-ը: