Հայաստանի ազգային պատկերասրահում մարվեց նկարիչ Հովհաննես Զարդարյանին նվիրված երկու նամականիշ

ԵՐԵՎԱՆ, 6 ՆՈՅԵՄԲԵՐԻ, ԱՐՄԵՆՊՐԵՍ: Հայ մեծանուն նկարիչ Հովհաննես Զարդարյանի հարյուրամյա հոբելյանի կապակցությամբ «ՀայՓոստ» ՓԲԸ-ի կողմից մարվեց և շրջանառության մեջ դրվեց երկու նամականիշ:

«Արմենպրես»-ի հաղորդմամբ` «Մեծանուն հայեր. Հովհաննես Զարդարյան ծննդյան 100-ամյակը» թեմային նվիրված նամականիշերի մարման արարողությունն անցկացվեց նոյեմբերի 6-ին Հայաստանի ազգային պատկերասրահում:

Նամականիշերն ունեն 170 և 230 դրամ անվանական արժեք: Դրանք տպագրված են Կանադայի «Lowe Martin Group» տպագրատանը` յուրաքանչյուրը 30 000 տպաքանակով: Նամականիշերի դիզայնի հեղինակն է «ՀայՓոստ» ՓԲԸ-ի դիզայներ Դավիթ Դովլաթյանը:

170 ՀՀ դրամ անվանական արժեքով նամականիշի վրա պատկերված է Հովհաննես Զարդարյանի «Գարուն» կտավը, իսկ 230 ՀՀ դրամ անվանական արժեքով նամականիշը ներկայացնում է նկարչի լուսանկարը` իր «Ձմեռային բնանկար» կտավի խորապատկերին:

Թողարկման օրը` 06 նոյեմբերի 2018թ.

Դիզայնը` Դավիթ Դովլաթյան

Տպարանը` Lowe Martin Group, Կանադա

Չափսերը` 40,0 x 30,0 մմ

Տպաքանակը` 30 000 հ. x 2