Թուրքիայում խոշոր ահաբեկչություն է կանխվել
1 րոպեի ընթերցում
![Թուրքիայում խոշոր ահաբեկչություն է կանխվել](http://armenpress.am/resized/480/static/news/b/2018/11/952987.jpg)
ԵՐԵՎԱՆ, 1 ՆՈՅԵՄԲԵՐԻ, ԱՐՄԵՆՊՐԵՍ: Թուրքիայի Մարդինի նահանգում խոշոր ահաբեկչության փորձ է կանխվել:
Այս մասին, ինչպես հաղորդում է «Արմենպրես»-ը, հայտնում է թուրքական «Հուրիեթ» պարբերականը:
Տեղեկության համաձայն՝ նահանգի ոստիկանության կողմից իրականացված հատուկ գործողությունների արդյունքում առգրավվել է բեռնատար, որի բեռնախցիկում հայտնաբերվել է 250 կգ պայթուցիկ նյութեր:
Ոստիկանական գործողությունների ընթացքում ձերբակալվել է 5 մարդ:
Ձերբակալվածների անունները և այլ մանրամասներ դեռևս չեն հաղորդվում: