1 րոպեի ընթերցում
ԵՐԵՎԱՆ, 25 ՀՈԿՏԵՄԲԵՐԻ, ԱՐՄԵՆՊՐԵՍ: Ստամբուլի Էսենյուրթ շրջանում գտնվող գործարաններից մեկում խոշոր հրդեհ է բռնկվել:
Այս մասին, ինչպես հաղորդում է «Արմենպրես»-ը, հայտնում են թուրքական ԶԼՄ-ները:
Գործարանում բռնկված հրդեհը տարածվել է հարակից մյուս գործարանների վրա:
Էսենյուրթ շրջանի ղեկավար Ալի Մուրադ Ալթընթփեի փոխանցմամբ՝ հրդեհի հետևանքով զոհեր չկան:
Հրդեհը սկզբում բռնկվել է ներկատախտակների գործարանում, ապա տարածվել պլաստիկ շշերի և տեքստիլի գործարանների վրա:
Հրդեհի վայրում աշխատում են Արտակարգ իրավիճակների նախարարության հրշեջ ծառայության աշխատակիցները: