398.94
Մոսկվայում Շառլ Ազնավուրի հիշատակը հարգում են ՀՀ դեսպանության շենքի մոտ մոմավառությամբ
1 րոպեի ընթերցում
ԵՐԵՎԱՆ, 2 ՀՈԿՏԵՄԲԵՐԻ, ԱՐՄԵՆՊՐԵՍ: Ռուսաստանի Դաշնությունում Հայաստանի Հանրապետության դեսպանության շենքի դիմաց մոմավառություն է կազմակերպվել՝ ի հիշատակ աշխարհահռչակ շանսոնյե, Հայաստանի ազգային հերոս Շառլ Ազնավուրի:
«Արմենպրես»-ն այս մասին տեղեկացավ ՌԴ-ում ՀՀ դեսպանության «Ֆեյսբուք»-ի էջից: «Ռուսաստանում Հայաստանի դեսպանության շենքի մոտ մոսկվացիները ծաղիկներ են դնում ու մոմեր վառում՝ ի հիշատակ Հայաստանի ազգային հերոս Շառլ Ազնավուրի»,- ասված է դեսպանության «Ֆեյսբուք»-ի էջի գրառման մեջ, որին կից տեղադրվել են նաև լուսանկարներ:
Բաժանորդագրվեք մեր ալիքին Telegram-ում