1 րոպեի ընթերցում
ԵՐԵՎԱՆ, 11 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ ազգային ժողովն ընդունեց կառավարության կողմից ներկայացված մի շարք օրենքներ:
«Արմենպրես»-ի հաղորդմամբ` օրենքներն ընդունվեցին սեպտեմբերի 11-ի նիստում:
89 կողմ ձայներով ընդունվեց «Վարչական իրավախախտումների վերաբերյալ ՀՀ օրենքում փոփոխություններ կատարելու մասին» օրենքի նախագիծը:
«Դատական ակտերի հարկադիր կատարման օրենքում փոփոխություններ կատարելու մասին» օրենքի նախագիծը ևս ընդունվեց 89 կողմ ձայներով, դեմ, ձեռնապահ չկար:
Կառավարության կողմից ներկայացված «Պետական կենսաթոշակների մասին ՀՀ օրենքում փոփոխություններ կատարելու մասին», «Էլեկտրոնային հաղորդակցության մասին օրենքում փոփոխություններ կատարելու մասին», «ՀՀ կառավարության և ՄԱԿ-ի Պարենի և գյուղատնտեսության կազմակերպության միջև համաձայնագիրը վավերացնելու մասին» օրենքի նախագծերը նույնպես ընդունվեցին 89 կողմ ձայներով:
Ընդունվեցին մի շարք օրենքներ ևս: