ԵՐԵՎԱՆ, 7 ՍԵՊՏԵՄԲԵՐԻ, ԱՐՄԵՆՊՐԵՍ: Իրանը Սիրիայում. ներկայությունը պահպանում Է Դամասկոսի խնդրանքով ահաբեկչության դեմ պայքարելու համար, այլ ոչ թե իր կամքը որեւԷ մեկին պարտադրելու համար: Այդ մասին, ինչպես տեղեկացնում Է «Արմենպրես»-ը, Իսլամական Հանրապետության նախագահ Հասան Ռոուհանին հայտարարել Է Ռուսաստանի, Իրանի եւ Թուրքիայի՝ սիրիական կարգավորմանը նվիրված գագաթնաժողովի բացմանը:
«Իրանը Սիրիայի օրինական կառավարության խնդրանքով ահաբեկչության դեմ պայքարելու համար ներկա Է այդ երկրում, եւ մեր ներկայությունը կշարունակվի այդ սկզբունքի հիման վրա,-ընդգծել Է նա:-Մենք այնտեղ չենք գտնվում որեւԷ մեկին մեր կամքը պարտադրելու համար»:
Ռոուհանին նաեւ հավելել Է, որ ահաբեկչության դեմ պայքարում Սիրիայի օրինական կառավարության հետ համագործակցությունը իրադրության կարգավորման միակ արդյունավետ լուծումն Է: «Մյուս մոտեցումները դիտարկվում են որպես ուղղակի միջամտություն: Առանց կառավարության հետ կոորդինացման, դա միայն կսրի երկրի իրադրությունը»,-ընդգծել Է նա, հաղորդել Է ՏԱՍՍ-ը: