1 րոպեի ընթերցում
ԵՐԵՎԱՆ, 31 ՕԳՈՍՏՈՍԻ, ԱՐՄԵՆՊՐԵՍ: ՀՀ գյուղատնտեսության նախարարությունը փորձնական ծրագրով նախատեսում է անմշակ հողերի կրճատում:
«Արմենպրես»-ի հաղորդմամբ՝ պաշտոնավարման 100 օրն ամփոփելով՝ այս մասին ասաց նախարար Արթուր Խաչատրյանը:
«Անմշակ հողերի կրճատումը մեր առաջնահերթություններից մեկն է: Մենք վարչապետին առաջարկել ենք նոր փորձնական ծրագիր և ստացել աջակցություն: Դա հնարավորություն կտա կրճատել չօգտագործվող հողերի մակերեսն ու աջակցել առավել խոցելի համայնքներին»,-ասաց Խաչատրյանը:
Նախարարը նշեց՝ հանրապետության վարելահողերի մեկ երրորդն օգտագործվում է ոչ ըստ նշանակության: Արոտների դեպքում այդ թիվը երկու երրորդն է: