Վիկտոր Սողոմոնյանը գտնում է, որ Քոչարյանը դեռ ասելիք ունի քաղաքականության մեջ
1 րոպեի ընթերցում
![Վիկտոր Սողոմոնյանը գտնում է, որ Քոչարյանը դեռ ասելիք ունի քաղաքականության մեջ](http://armenpress.am/resized/480/static/news/b/2018/07/942084.jpg)
ԵՐԵՎԱՆ, 28 ՀՈՒԼԻՍԻ, ԱՐՄԵՆՊՐԵՍ: ՀՀ երկրորդ նախագահ Ռոբերտ Քոչարյանի գրասենյակի ղեկավար Վիկտոր Սողոմոնյանը գտնում է, որ Քոչարյանը դեռ մեծ ասելիք ունի քաղաքականության մեջ: «Արմենպրես»-ի փոխանցմամբ՝ այդ մասին Սողոմոնյանը նշեց հրավիրված ասուլիսում:
«Մենք որևէ մեղք չենք գործել, Ռոբերտ Քոչարյանը մեղքի որևէ զգացողություն չունի: Նա Հայաստան է վերադարձել հանգիստ խղճով, որևէ գործընթացից չի խուսափել», - ասաց Սողոմոնյանը:
Նրա համոզմամբ՝ շատ շուտով Քոչարյանը հայտնվելու է ազատության մեջ, քանի որ «մեծ ասելիք ունի քաղաքականության մեջ»: