Լրացուցիչ քվեաթերթիկների մասին ՀՀԿ առաջարկն ընդունվել է ԸՕ բարեփոխումների հանձնաժողովի նիստում
1 րոպեի ընթերցում
![Լրացուցիչ քվեաթերթիկների մասին ՀՀԿ առաջարկն ընդունվել է ԸՕ բարեփոխումների հանձնաժողովի նիստում](http://armenpress.am/resized/480/static/news/b/2018/07/939972.jpg)
ԵՐԵՎԱՆ, 5 ՀՈՒԼԻՍԻ, ԱՐՄԵՆՊՐԵՍ: ՀՀ վարչապետին առընթեր Ընտրական օրենսգրքի բարեփոխումների հանձնաժողովի նիստում ընդունվել է Հայաստանի հանրապետական կուսակցության առաջարկը: Լրագրողների հետ զրույցում հանձնաժողովի քարտուղար Դանիել Իոաննիսյանը նշեց, որ առաջարկը վերաբերում է լրացուցիչ քվեաթերթիկներին:
«ԱԺ-ի ընտրությունների ժամանակ քվեախցիկում պետք է լինեն լրացուցիչ քվեաթերթիկներ, որպեսզի, եթե ընտրողին պարտադրեն քվեաթերթիկ հանել, որ իր քվեն ապացուցի, ինքը միշտ այդ արկղում գտնի ավել քվեաթերթիկ, այլ կոմբինացիայի հնարավորություն ունենա՝ անկախ նրանից, թե ինքն ինչպես է քվեարկել: Քվեարկության վերահսկումը կանխարգելող բավականին արդյունավետ մեխանիզմ է, որը չկա ՏԻՄ ընտրությունների ժամանակ: ՀՀԿ-ն առաջարկեց նույնը կիրառել ՏԻՄ-ի ժամանակ»,- «Արմենպրես»-ի հաղորդմամբ՝ ասաց Դանիել Իոաննիսյանը:
Դանիել Իոաննիսյանը տեղեկացրեց, որ այդ հարցը հանձնաժողովի օրակարգում նախկինում չկար, սակայն քննարկվեց և սատարման արժանացավ: